Tuesday, July 05, 2016

தமிழ்மொழி வெறி, திராவிட கருத்தியல்

சமீபத்தில் ஒத்திசைவு ப்ளாக் பக்கத்தில் "மொழிவெறி, திராவிடம், கருணாநிதிகள் – சில குறிப்புகள்" என்ற கட்டுரையில் என் பின்னூட்டம்

https://othisaivu.wordpress.com/2016/06/17/post-651/



தமிழ் மொழி வெறி மனோன்மணியம் ஆசிரியர் சுந்தரத்திலேயே ஆரம்பித்து விட்டது. “தமிழ்த்தாய் வாழ்த்தில்” பாடப்படாத பகுதி மற்ற திராவிட மொழிகள் தமிழில் இருந்து பிறந்தவை, ஸமஸ்கிருதம் “வழக்கொழிந்த” மொழி போன்றவை. பின்பு, சுவாமி வேதாசலம், ஞானமுத்து தேவநேயன், சுப்புரத்தினம் ஆகியவர்கள் தமிழ் மொழி வெறிக்கு தூபமிட்டவர்கள். இந்த “கலாசார” பின்னணியில்தான் திராவிட இயக்கம் தமிழ்மொழி வெறியை தனதாக்கிக் கொண்டது. திராவிட இயக்கம் 80% oppurtunism 20% ideology . இந்த ஐடியாலஜியில் சம்ஸ்கிருத வெறுப்பு, பிராமண வெறுப்பு, ஆரியர் மேல் வெறுப்பு, மற்ற திராவிட மொழிகள் மேல் வெறுப்பு ஆகியவை பிரதானம்.
இதற்கு மேல் பகுத்தறிவு, விஞ்ஞானம் ஆகியவற்றின் மீது உதாசீனம், நவீன உலகத்திலிருந்து சுய ஓரம்கட்டல் , எல்லாவற்றிற்க்கும் மேலாக ஹிபாக்ரசி ஆகியவை தற்கால தமிழை படுகுழியில் தள்ளிவிட்டன.

வ.கொ.விஜயராகவன்


மொழியியல் படி, ஒவ்வொரு திராவிட மொழியும் தனித்துவம் வாய்ந்தவை, ஒன்றிலிருந்து மற்றொன்று "பிறக்கவில்லை".  6 சமகால மொழிகள் , அவற்றில் ஒன்றிலிருந்து பிறந்தது என்று அபத்தம், உளரல், அப்படிப்பட்ட சிந்தனை மொழியியலுக்கு அப்பால்பட்டது. அப்படிப்பட்ட எண்ணம் மொழி வெறியே தவிர வேறொன்றும் இல்லை. தற்கால தமிழிலும் பேச்சு மொழி எழுத்து மொழியை விட தனித்துவம் வாய்ந்தது; 1000 வருஷம் முன் இருந்த தமிழ் மொற்றொரு மொழி , தொல்தமிழ் மற்றொரு மொழி. இடைக்கால - அதாவது கி.பி. 600 முதல் கிபி 1300 வரை இருந்த தமிழ் தொல் தமிழில் வாரிசு என சொல்லலாம்; தற்காலத் தமிழ் இடைக்காலத் த‌மிழின் வாரிசு. சுந்தரம் பிள்ளையின் பகுத்தறிவற்ற , சரித்திர உணர்வற்ற ,  மொழியியலுக்கு ஒவ்வாத சிந்தனைகளே இவை எல்லாம் ஒரே தமிழ், , மற்ற 21 திராவிட மொழிகளும் இந்த "தமிழ்" இல் இருந்து வந்தவை என பிதற்றுகிரது. 

இந்த பிதற்றல்களை உச்சத்திற்க்கு கொண்டு சென்றவர் ஞானமுத்து தேவநேசன்.  தமிழ் மொழி வெறிக்கு  ஜாதி முலாம் பூசியவர் ஸ்வாமி வேதாசலம்.  வேதாசலத்தின் அப்பட்ட ஜாதி வெறியை தனதாக்கிக் கொண்டது திராவிட இயக்கம். 

இந்த விஷக்கலவையில் ஈ.வெ,ராமசாமி நாயக்கர் எனும் இனவெறி பட்டாசை போட்டால் திராவிட இயக்கம் முழுமை இடைகிறது.

ஆனால் திராவிட இயக்கம் 80% சந்தர்ப வாதம். 20% தான் கருத்தியல்.


வ.கொ.விஜயராகவன்

No comments: