Tuesday, July 26, 2016

36 சீன உபாயங்கள்

36 சீன உபாயங்கள்

(முதலில் 36 சீன உபாயங்களையும் அதன் மூல வடிவில் பார்க்கலாம், பின்பு விளக்கம் பார்க்கலாம்)


ஆங்கிலத்தில் ஸ்ட்ராடெஜி என்று சொல்வதைத் தான் உபாயங்கள் என கையாளுகிறேன்.

தமிழ் லெக்சிகான்
*உபாயம் upāyam
, n. < upāya. 1. That by which a person realizes his aim; means, stratagem, artifice; சூழ்ச்சி. யாஅ ருபாயத்தின் வாழாதார் (நாலடி, 119). 2. Means of overcoming an enemy, one of caturvitōpāyam, q.v.; அரசர்க்குரிய நான்கு உபாயங்கள். (பிங்.) 3. Four; நான்கு. அம்பு பாயமாம்படி யட்டி (தைலவ. தைல. 94, 12). 4. Smallness; சொற்பம். உபாயமாய்க்கொடுத்தான்.


உபாயங்கள் என்பது இங்கே கலை சொல். நாம் ஒரு சூழலில் முழுமையாக கவனம் செலுத்தும் போது அந்த சூழலையே ஒரு எடைபோட தவறிவிடுகிறோம். அப்படி நம் சூழலுக்கு ஒரு தளம் மேலே இருந்து கீழே அச்சூழலின் மீது பார்வையையும், அவதானத்தையும் செலுத்தி வெற்றிக்கு ஒருபாதை வகுப்பதே உபாயம் அல்லது  யுக்தி ஆகும்.



இங்குள்ள யுக்திகள் தொல் சீனாவில் இருந்து வருகின்றன. சரித்திரத்தின் சில சமயங்களில் சீன தேசமே பெரும் குழப்பங்களிலும் உள்நாட்டு போர்களிலும் முழுகி பல போர் தளபதிகள்  தோன்றினர். கடைசியில் ஒரு போர் கட்சி, மற்ற எல்லா கட்சிகளையும் தோற்கடித்து, சீன ஒற்றுமையை ஏற்படுத்தி, மக்களுக்கு சுபிட்சத்தை கொடுக்க முனைந்தது. 20ம் நூற்றாண்டு அப்படி ஒரு காலம். கடைசியில் மாவோ மற்றவர்களை வென்று ஒற்றுமையை நிறுவினார். கிமு 3ம் நூற்றாண்டும் அப்படிப் பட்ட காலம். அப்போதுபோட்டி நாடுகளின் காலம்என சொல்லப்பட்ட கலம். கடைசியில் "சிந் ஷிஹ்வாங்"  மற்றவர்களை தோற்கடித்து சக்ரவர்த்தி ஆனார்.


இந்த உட்போர்களினால் சீனர்கள் போர், போர்களின் யுக்தி இவற்றில் மிக்க கவனம் செலுத்தியவர்கள். நல்ல யுக்தி நூல்களும் எழுத்ப் பட்டன. தற்காலத்தில் அரசியல், தொழில்கள், வாணிகம் ஆகியவற்றில் சீன யுக்தி புத்தகங்கள் பல மொழிகளில் மொழியாக்கம் செய்யப் பட்டு படிக்கப் படுகிறன. அதனால் பல சீன யுக்திகளையும் ஓரிடத்தில் தரும் முயற்சியே இக்கட்டுரை.
யுக்தி ரீதியாக சிந்தனை செய்யும்போது, முதலில் படுவது நமக்கு முதலில் நம் முயற்சிகளினால் எப்படிப்பட்ட விளைவு வேண்டும் என்பது தெளிவாக இருக்கவேண்டும்.பொதுவாக மனிதர்கள் தங்கள் வாழ்கையில் எப்படிப் பட்ட விளைவு வேண்டும் என தெரியாமல் குழறுபடி செய்கிறனர்.நீங்கள் மாற்றானதாக செய்ய கற்பீர்கள்.திட்டமிடுதல், யுக்தி, சிந்தனை இவற்றில் கவனம் செலுத்தி, உங்கள் பாதையை நியமித்து, எதை வேண்டுமானாலும் வெற்றியுடன் செய்யலாம்.அதை குறியாக கொண்டு, நம் அவதானிப்பை  தொடரலாம்.


முன்குறிப்பு: சீன மரபு உபாயங்கள் பழைய சீன உவமைகளில், பூடக வாக்கியங்களில் தரப்பட்டுள்ளன. அதனால் இது மொழி பெயர்ப்பு சில இடங்களில்  சிரமமாக இருக்கலாம் .

பொதுவான பலமான நிலையில் இருக்கும் போது உபாயங்கள்  1 - 18



உங்கள் பலம் எதிரியை விட அதிகமாக இருக்கும் போது (1-6)




1.அரசனை ஏமாற்றி, கடலை கட.


2.ஷாவ் நகரை காப்பாற்ற வை நகருக்கு முற்றுகையிடு.


3.கடன் வாங்கிய கத்தியால் கொலை செய்.


4.எதிரி தன்னைதானே சோர்வடையும்போது, இளைப்பாறு.


5.எரியும் வீட்டை கொள்ளை அடி


6.கிழக்கில் சத்தம் செய்து, மேற்கில் தாக்கு.



எதிரியுடன் சரிசம பலம் இருந்து, தாக்க நினைத்தால், யுக்திகள் (7-12)


7.சூனியத்திலிருந்து ஏதாவதை ஆக்கு.


8.ஒரு வழி செல்வது போல் பாசாங்கு செய்து, மறு வழியில் செல்.


9.நதியின் மறு பக்கத்தில் தீ எரிவதை காண்க.


10.கத்தியை புன்முறுவலில்  ஒளி.


11. நாவல் பழத்தை நெல்லிக்காய் முத்துவிற்கு மாற்றிக்கொள்.


12. சமயம் கிடை க்கும் போது ஆட்டைத் திருடு.


எதிரியை தாக்குவதற்கு தயாராக இருக்கும் போது, நினைவில் வைத்துக் கொள் (13-18)


13. புல்லை சரவி பாம்பை ஏவிவிடு
14. இறந்தவர்களிடமிருந்து ஒரு சடலத்தை எழுப்பு
15. புலியை மலைகளிடமிருந்து வஞ்சனையாக வெளீயெற்று..
16. பிடியிலிருந்து விடுவித்து எதிரியை பிடி
17. கல்லை எரிந்து வைடூர்யத்தை பிடி.
18. தலைவனை பிடுத்து மற்ற கொள்ளயர்களை மடக்கு.


பொதுவான பலவீன நிலையில் இருக்கும் போது



நீங்கள் குழப்பமான, தாறுமாறு, அக்கிரம நிலையில் இருக்கும்போது



19. நெருப்பின் அடியிலிருந்து மரத்தை திருடு
20.  குழ‌ப்பத்தில் லாபமடை
21. நத்தை ஓடுலிருந்து வெளியேருகிரது
22. திருடனைப் பிடிக்க கதவை மூடு
23.பக்கத்து நாடு போர் புரிந்தால்  தூரத்திலிருக்கும் நாட்டின் நட்பை நாடு
24. காவ் நாட்டைப் பிடிக்க , மற்ற நாடுகளின் பத்திரக்கடவை அடை.


மற்றவர் வலுவை உங்களாக்குவதற்க்கு


25. உத்திரங்களையும் தூண்களையும் சொத்தை மரங்களால் மாற்று.
26. முசுக்கட்டையை காட்டி வெட்டுக்கிளியை சாபமிடு.
27. விவேகத்துடன் இருக்கும்போது முட்டாளாக நடி.
28. மேலே ஏறியவுடன் ஏணியை அகற்று.
29. மர‌த்தை போலி பூக்களால் நிரப்பு
30. விருந்தினர், விருந்தளிப்பவர் இடங்களை மாற்று.



திடுகூறானமருந்து  :   மிக இக்கட்டான சூழலில் செய்யலாம்


31. ஆணைப்பிடிக்க பெண்ணை உபயோகி.
32.. காலி நகரத்தின் கதவை நன்றாக திர.
33.எதிரியை குழப்ப எதிரியின் ஒற்றர்களை  உபயோகி
34. எதிரியின் விசுவாசத்தை வெல்ல, உன்னை காயப்படுத்திக் கொள்
35. எதிரியின் போர்கப்பல்களை பிணை.
36. தப்பு.

No comments: