Tuesday, July 21, 2009

எம்.ஜி.ஆர். பாட்டு-1 சில சிந்தனைகள்

இந்த பாட்டை யு-ட்யூபில் பார்த்தேன்
http://www.youtube.com/watch?v=4lacXb9czps&NR=௧

மேலெழுந்த வாரியாக பார்த்தால், இதோ எதோ புதிய கலாசாரம் (தமிழ்நாட்டில்) போல இருக்கின்றது. ஆண்களும், பெண்களும் கை கோத்து ஆடுகிறார்கள், பியானோ, வயலின் போன்ற இன்ஸ்ட்ருமெண்ட் இருக்கின்ரது. எம்.ஜி.ஆரே எல்லா இசைக்கருவிகளை வாசிக்கிறார். ஆண்கள் சூட்டு,பௌ டை போட்டுள்ளனர். பெண்கள் சிலர் ஃப்ராக்கில் உள்ளனர்.

ஆனால் நாம் கவனிக்க வேண்டியது எம்.ஜி.ஆரின் முக பாவனைகளும் , சொற்களும். எம்ஜிஆரின் முகபாவம் நடப்பது ஒன்றையும் ஏற்றுக்க மறுப்பதும், அந்த மேற்கத்திய சூழலுக்கு ஒரு வெறுப்பும் கலந்தது. அவர் என்ன சொல்கிறார் என்பதை கவனித்தால், தன் முன்னால் நடக்கும் கேளிக்கைகளை கேளிக்கையாக எடுத்துக்கொள்ளாமல், அதன் மீது வெறுப்பை எற்படுத்தி , ஒரு புனை `மரபு` மீது கவனம் செலுத்திகிறார். சில உதாரணங்கள்

...நீ பார்த்த பார்வைகள் கனவோடு போகும்......
..நீ சொன்ன வார்த்தைகள் காற்றோடு போகும்..........
....... பொய்யான சில பேர்க்கு புது நாகரீகம் ..............
....... புரியாத பல பேர்க்கு இது நாகரீகம்...
.... முறையாக வாழ்வோற்க்கு எது நாகரீகம், முன்னோர்கள் சொன்னார்கள் அது நாகரீகம்...

அவர் அப்படி பாடும்போது,ஒரு நடிகை ( சரோஜா தேவியா அது?? எனக்கு நடிகைகளைப் பற்றி தெரியாது) தூண் பின்பிலிருந்து எம்ஜீஆரை புகழும் பார்வையில் பார்க்கிறார். அந்த நடிகை புடவை, குங்குமம் வைத்து `மரபு` பெண் போல் தோற்றம் அளிக்கிறார்.

எம்ஜீஆர் புது கலாசாரத்தை, புது கேளிக்கை, வாழ்க்கை நடத்தைகலை முழுமையாக நிராகரித்து, ஒரு `மரபு` வாழ்க்கையே நிலை நாடுகிறார். எம்ஜீஆர், மேலும் அவரை தூக்கிப்பிடித்த திராவிட இயக்கத்தின் ரகசிய ஆசையே அதுதான் - புதுமையை நிராகரிக்க வேண்டும், `முன்னோர்கள் சொன்னார்கள் அது நாகரீகம்` .

எம்ஜீஆரும், திராவிட இயக்கங்களும் புரட்சி மனப்பான்மையோ, புரட்சிகாரர்களோ அல்ல; , `புரட்சி`, `பகுத்தறிவு` முதலியவை பேச்சுக்குதான். ஒரு புனைந்த `மரபை` மீட்கொள்ள வேண்டும்.

விஜயராகவன்

2 comments:

dondu(#11168674346665545885) said...

நீங்கள் குறிப்பிட்டுள்ள படம் பணம் படைத்தவன். சமீபத்தில் 1965-ல் வந்தது.

பாரம்பரியம் மிக்க பென்ணாக நடிப்பது கே.ஆர்.விஜயா.

அன்புடன்,
டோண்டு ராகவன்

வன்பாக்கம் விஜயராகவன் said...

அந்த பாட்டில், நான் என்ன ஆச்சரியப்பட்டேன் என்றால், பாட்டின் அர்த்தம் , பாட்டின் மெசேஜ் undermines the spirit of the dance party.